Një ngjarje tragjike është regjistruar në Skenderaj, ku Raif Aliu, nga fshati Likofc, ka humbur jetën teksa po punonte në fabrikën e tij.
Lajmi i rëndë ka tronditur familjarët, të afërmit dhe banorët e zonës.
Për ndarjen e tij të parakohshme nga jeta ka reaguar edhe kryetari i Komunës së Skenderajt, Sami Lushtaku, i cili ka shprehur ngushëllimet e tij për familjen Aliu.
“Raifi ishte njeri fjalëpak, i urtë dhe punëtor i madh. Si njeri i një familje të respektuar ai vetën e dëshmoi me punë, sjellje dhe respekt për të tjerët. Sot Likofci dhe të gjithë ata që e njohën e përjetojnë rëndë këtë lajm të hidhur”, ka shkruar Lushtaku.
Ndërkohë, familja Aliu ka njoftuar se detajet lidhur me ceremoninë mortore do të bëhen publike pas përfundimit të obduksionit nga Instituti i Mjekësisë Ligjore.
Rrethanat e sakta të kësaj ngjarjeje tragjike ende nuk janë bërë të ditura.
