Lajm i rëndësishëm për qytetarët e Kosovës! Nga sot, 19 tetor 2026, ka nisur zyrtarisht aplikimi për subvencionimin e faturave të energjisë elektrike për periudhën 2026–2027.
Ministria për Punë, Familje dhe Vlerat e Luftës Çlirimtare ka njoftuar se nga kjo mbështetje financiare mund të përfitojnë familjet që plotësojnë kriteret e Programit për Mbrojtjen e Konsumatorëve të Cenueshëm të Energjisë Elektrike.
**Aplikimi bëhet përmes platformës eKosova**, në kategorinë “Familja”, ndërsa për çdo ekonomi familjare lejohet vetëm një aplikim, i lidhur me një njehsor elektrik.
Një detaj shumë i rëndësishëm është se subvencionimi fillon nga muaji kur miratohet aplikimi, çka do të thotë se qytetarët nuk do të kompensohen për faturat e muajve të mëparshëm.
Për këtë arsye, familjeve që plotësojnë kriteret u rekomandohet të aplikojnë sa më shpejt.
Afati i fundit për aplikim është 31 marsi 2027.
Qytetarët që kanë vështirësi me aplikimin online mund të kërkojnë ndihmë në Qendrat për Punë Sociale.
Aplikimi mund të bëhet në këtë link:
https://ekosova.rks-gov.net/Service/1
Për informacione shtesë, qytetarët mund të kontaktojnë në numrin 038 200 27 277 ose në emailin [email protected].
A do të aplikoni për subvencionimin e faturave të rrymës?
