Një 11-vjeçar me emrin Bardhyl Habili rezulton i zhdukur në Tiranë, ndërsa familjarët dhe të afërmit po e kërkojnë prej orës 08:00 të mëngjesit.
Sipas denoncimit të mbërritur në redaksinë tonë, djali është parë për herë të fundit në zonën e Myslym Shyrit. Deri në mesnatë, ai ende nuk ishte kthyer në banesë, ndërsa më shumë se 10 persona po e kërkojnë në terren në zona të ndryshme të kryeqytetit.
Nuk dihet ende nëse 11-vjeçari ka qenë i pranishëm në protestën e zhvilluar sot në Tiranë apo nëse zhdukja e tij ka lidhje me tubimin.
Sipas të afërmve, Bardhyli rritet nga babai i tij, Afrim Habili, i cili kujdeset i vetëm për dy fëmijët pas humbjes së bashkëshortes.
Familjarët kërkojnë ndihmën e qytetarëve për gjetjen e tij. Kushdo që e ka parë Bardhylin ose ka informacion për vendndodhjen e tij, lutet të kontaktojë menjëherë të atin në numrin +355 68 530 5288 ose të njoftojë Policinë e Shtetit.
Çdo informacion mund të jetë i rëndësishëm. Ju lutemi, shpërndajeni këtë njoftim që Bardhyli të gjendet sa më parë!
