Një protestë kundër kryeministrit Albin Kurti është paralajmëruar të mbahet më 1 nëntor në Prishtinë, ku kërkesa kryesore do të jetë dorëheqja e tij.
Sipas thirrjes publike, protesta është planifikuar të zhvillohet në sheshin “Skënderbeu”, duke filluar nga ora 12:00.
Organizatori i protestës, Durim Aliu, u ka bërë thirrje qytetarëve të Kosovës që t’i bashkohen tubimit për të shprehur pakënaqësitë e tyre dhe për të kërkuar përgjegjësi politike nga kreu i Qeverisë.
Aliu ka bërë të ditur se për organizimin e protestës do të njoftohet edhe Policia e Kosovës.
“Është koha që zëri i qytetarëve të dëgjohet dhe kërkesat tona të shprehen hapur, me dinjitet dhe vendosmëri”, thuhet në thirrjen publike.
Organizatorët u bëjnë thirrje qytetarëve që të marrin pjesë së bashku me familjarët dhe miqtë, duke sjellë pankarta dhe mesazhe për të shprehur qëndrimet e tyre në mënyrë paqësore.
