A po druhen autoritetet shqiptare nga ardhja e qytetarëve të Kosovës për t’iu bashkuar protestave kundër qeverisë Rama?
Kolona të gjata automjetesh janë krijuar këtë të shtunë në kufirin Kosovë–Shqipëri, ku raportohet se autoritetet shqiptare kanë shtuar kontrollet ndaj udhëtarëve dhe automjeteve.
Situata vjen në një moment kur Shqipëria po përballet me ditën e pestë të protestave të nxënësve dhe studentëve, të cilët kërkojnë dorëheqjen e kryeministrit Edi Rama.
Kontrollet e shtuara ngrenë pikëpyetje nëse autoritetet po përpiqen të parandalojnë ardhjen e qytetarëve nga Kosova, të cilët mund t’u bashkohen protestuesve në Tiranë dhe qytete të tjera.
Megjithatë, deri më tani nuk ka asnjë konfirmim zyrtar që këto masa lidhen me protestat apo me frikën nga pjesëmarrja e kosovarëve.
Kujtojmë se gjatë ditëve të fundit protestat janë shoqëruar me përplasje të ashpra mes të rinjve dhe policisë, ndërsa është raportuar edhe për arrestimin e dy të rinjve nga Kosova.
**A janë kontrollet në kufi thjesht masa sigurie, apo ekziston shqetësimi se protestave mund t’u bashkohen edhe qytetarë nga Kosova?**
Protestat dhe përplasjet në Shqipëri janë raportuar edhe nga Reuters dhe AP. Motivi i kontrolleve kufitare mbetet i pakonfirmuar.
