Është zbardhur identiteti i personit që u gjet pa shenja jete më 15 tetor, në rrugën “Shefqet Berisha” në Prizren.
Sipas burimeve, viktima është Azzam Dida, rreth 73 vjeç, identiteti i të cilit është konfirmuar nga familjarët.
I moshuari ishte gjetur i shtrirë në skaj të rrugës, me gjakderdhje pranë kokës, ndërsa Policia dhe ekipet e urgjencës, të cilat mbërritën në vendngjarje, konstatuan se ai kishte ndërruar jetë.
Kamerat e sigurisë kanë ndihmuar në zbardhjen e rrethanave të ngjarjes. Sipas informacioneve pamjet tregojnë se 73-vjeçari është rrëzuar vetë dhe më pas ka ndërruar jetë në vend.
Nga ekzaminimet fillestare nuk janë konstatuar rrethana të dyshimta, ndërsa trupi i pajetë është dërguar për ekzaminime të mëtejshme.
Policia e Prizrenit, në koordinim me Prokurorinë, vijon procedurat hetimore për të sqaruar plotësisht shkakun e vdekjes. Rasti është cilësuar si Hetim i vdekjes.
