Nga frika e studentëve, deputetët e Partisë Socialiste janë larguar nga Parlamenti, duke sjellë anulimin e seancës plenare që ishte parashikuar të mbahej ditën e sotme në Kuvend. Largimi i deputetëve erdhi pas mbledhjes së grupit parlamentar socialist.
Seanca plenare ishte planifikuar të niste në orën 10:00, me një rend dite të ngjeshur, ku parashikoheshin katër interpelanca me ministra dhe shqyrtimi i gjashtë projektligjeve. Megjithatë, zhvillimi i saj është anuluar, ndërsa deputetët socialistë janë larguar nga ambientet e Parlamentit.
Në rendin e ditës ishte parashikuar gjithashtu ngritja e Komisionit të Posaçëm për fazën e dytë të Reformës Administrativo-Territoriale. Deri më tani, anulimi i seancës ka penguar zhvillimin e diskutimeve dhe procedurave parlamentare të planifikuara për ditën e sotme.
