Policia e Kosovës ka kërkuar ndihmën e qytetarëve për identifikimin e një personi që dyshohet se është përfshirë në një rast vjedhjeje në Prishtinë.
Sektori i Hetimeve të Kryeqytetit, me autorizim të Prokurorisë, ka publikuar fotografinë e të dyshuarit, duke u bërë thirrje qytetarëve që mund ta njohin ose kanë informacione për të, të bashkëpunojnë me autoritetet.
Policia u ka kërkuar qytetarëve që çdo informacion që mund të ndihmojë në identifikimin e personit në fotografi ta raportojnë në numrin 192 ose përmes emailit [email protected].
A e njihni personin në fotografi? Nëse keni informacione, kontaktoni Policinë e Kosovës.
