Pamje tronditëse kanë dalë nga protesta e sotme, ku dhuna e forcave të rendit dyshohet se ka kapur nivele të papranueshme.
Në videon e publikuar më poshtë, shihet qartë momenti skandaloz se si një protestues, i cili duket se ka pësuar dëmtime të rënda, pa ndjenja dhe me këmbën që dyshohet se është e thyer, transportohet në mënyrë çnjerëzore nga disa efektivë policie.
Ndërkohë, qytetarët e pranishëm dëgjohen duke bërtitur të revoltuar dhe duke denoncuar dhunën e ushtruar, se efektivët "i kanë thyer këmbën" dhe se i riu ka humbur ndjenjat.
Pavarësisht kësaj, forcat e rendit vazhdojnë veprimet e tyre pa dhënë ndihmën e shpejtë mjekësore.
Kjo pamje dëshmon edhe një herë brutalitetin e përdorur ndaj protestuesve dhe braktisjen e çdo standardi ligjor apo njerëzor gjatë menaxhimit të situatës nga Policia e Shtetit.
