Një aksident i rëndë rrugor është regjistruar ditën e sotme në rrugën e Rinasit. Fatmirësisht, nga përplasja nuk raportohet për persona të lënduar, por vetëm për dëme materiale.
Sipas raportimeve të qytetarëve pranë JOQ Albania, kryqëzimi i Rinasit është kthyer në një pikë problematike, ku aksidentet janë të shpeshta. Mungesa e sinjalistikës dhe e masave të duhura për orientimin dhe kontrollin e trafikut duket se e bën këtë kryqëzim veçanërisht të rrezikshëm për drejtuesit e mjeteve.
Siguria në këtë kryqëzim kërkon ndërhyrje urgjente, për të parandaluar aksidente të tjera, të cilat mund të kenë pasoja tragjike.
