Një tragjedi e rëndë ka goditur familjen Arifi nga fshati Pogragjë i Gjilanit, ku 29-vjeçari Bajram Arifi dyshohet se u vra nga babai i tij mbrëmjen e 11 tetorit.
Sipas informacioneve fillestare, babai dyshohet se ka qëlluar për vdekje të birin në rrethana që ende nuk janë zbardhur plotësisht. Pas ngjarjes, i dyshuari është larguar nga vendi i krimit, ndërsa është raportuar se ndodhet në arrati.
Por kjo nuk është tragjedia e parë që godet familjen Arifi.
Vetëm dy vite më parë, familja kishte humbur një tjetër djalë, Fidan Arifin, vëllain e Bajramit, i cili kishte ndërruar jetë në moshë të re si pasojë e një aksidenti.
Tashmë, brenda një periudhe prej vetëm dy vitesh, kjo familje përballet me humbjen e dy djemve në rrethana tragjike.
Rrethanat dhe motivi i vrasjes së dyshuar të Bajram Arifit mbeten ende të paqarta, ndërsa pritet që hetimet të hedhin më shumë dritë mbi ngjarjen e rëndë që ka tronditur Pogragjën e Gjilanit.
