Sot, më 11 tetor, do të përcillen për në banesën e fundit Egzon dhe Nafije Bugujevci, motër e vëlla që humbën jetën tragjikisht nga të shtënat me armë zjarri në Livoç të Ulët të Gjilanit.
Sipas njoftimit të familjarëve, ceremonia e varrimit do të mbahet në orën 15:40, në Pozheran, prej nga ishin dy viktimat.
Ngjarja e rëndë ndodhi të premten, më 9 tetor, ku Egzoni dhe Nafija mbetën të vrarë, ndërsa një familjar tjetër i tyre u plagos.
I dyshuari kryesor për vrasjen e dyfishtë është bashkëshorti i Nafijes, Valon Ramushi, i cili është ndaluar nga autoritetet. Hetimet për zbardhjen e plotë të rrethanave të krimit janë duke vazhduar.
Tragjedia ka shkaktuar dhimbje të madhe te familjarët, të afërmit dhe banorët e zonës, të cilët sot do t'u japin lamtumirën e fundit dy viktimave.
Ngushëllime të sinqerta familjes Bugujevci!
