Një ngjarje e rëndë, e cila ka tronditur opinionin publik, ka ndodhur më 7 tetor në Shkup të Maqedonisë së Veriut. Dy të rinj shqiptarë, të moshës 21 dhe 23 vjeç, kanë denoncuar se janë rrahur brutalisht nga pjesëtarë të Policisë së Shtetit.
Sipas dëshmive të dhimbshme të të dëmtuarve, ngjarja ka shkallëzuar në dhunë ekstreme. Ata pretendojnë se zyrtarët policorë kanë qëlluar me armë zjarri, u kanë shpuar gomat e automjetit dhe, pasi u kanë thyer xhamat e makinës, i kanë lidhur, i kanë shtrirë në tokë dhe i kanë dhunuar fizikisht pa asnjë mëshirë.
Nga ana tjetër, policia paraqitet një version tërësisht ndryshe, ku pretendohet se dy të rinjtë kanë tentuar t'i marrin pistoletën një efekti me uniformë. Mirëpo, të rinjtë e hedhin poshtë kategorikisht këtë pretendim, duke sqaruar se arma kishte përfunduar brenda mjetit të tyre vetëm pasi policët kishin thyer xhamin e makinës gjatë ndërhyrjes.
Rasti mbetet nën hetim nga organet kompetente, ndërsa komuniteti shqiptar pret me shqetësim zbardhjen e plotë të së vërtetës mbi atë çfarë ka ndodhur realisht mes zyrtarëve të policisë dhe dy të rinjve.
