Një ngjarje e rëndë ka tronditur Livoqin e Gjilanit, ku dy persona kanë mbetur të vrarë dhe një tjetër është plagosur.
Sipas informacioneve të para, një burrë dyshohet se ka vrarë bashkëshorten e tij dhe njërin prej vëllezërve të saj, ndërsa vëllai tjetër i gruas ka mbetur i plagosur.
Në vendin e ngjarjes kanë mbërritur njësi të shumta të Policisë së Kosovës dhe hetuesit, të cilët po merren me zbardhjen e rrethanave të kësaj tragjedie.
Për shkak të rëndësisë së rastit, në vendngjarje kanë dalë edhe dy prokurorë të shtetit.
Ende nuk dihen motivet që çuan në këtë ngjarje të rëndë, ndërsa priten detaje të tjera nga autoritetet.