Protesta e zhvilluar sot para Kuvendit të Shqipërisë është shoqëruar me tensione dhe përplasje, ndërsa tetë persona raportohet se janë shoqëruar nga policia në Komisariatin nr. 1.
Gjatë tubimit, protestuesit janë përplasur me forcat e policisë të vendosura në perimetrin e Parlamentit, teksa situata është tensionuar në disa momente.
Sipas të dhënave paraprake, tetë pjesëmarrës janë shoqëruar në komisariat. Ende nuk janë bërë të qarta arsyet konkrete të shoqërimit apo nëse ndaj tyre do të ketë masa të tjera.
Protesta, e organizuar kundër qeverisë, vijon të shoqërohet me tensione, ndërsa pjesëmarrësit kanë kërkuar dorëheqjen e qeverisë.
