Justina Shiroka-Pula, e zgjedhur Presidente e Republikës së Kosovës, ka mbajtur fjalimin e saj të parë pas votimit në Kuvend.
Në fjalën e saj, Shiroka-Pula tha se e pranon detyrën me nder dhe përgjegjësi të madhe, duke theksuar se mandati presidencial nuk i përket vetëm një personi, por qytetarëve dhe institucioneve të Kosovës.
“Ky mandat nuk i përket vetëm një personi, i përket qytetarëve tanë, institucioneve tona dhe shtetit për të cilin shumë breza sakrifikuan. Do të jem presidente e gjithë qytetarëve”, tha Shiroka-Pula.
Presidentja e re premtoi se gjatë mandatit të saj do të punojë për unitet, drejtësi, zhvillim dhe forcimin e institucioneve, ndërsa theksoi orientimin euroatlantik të Kosovës dhe ruajtjen e lidhjeve me aleatët.
“Do të punojë për unitet, drejtësi, zhvillim dhe përforcimin e institucioneve tona. Kosova duhet të ecë përpara si shtet demokratik, sigurt me orientim të qartë euroatlantik e me miqësi të fortë me aleatët tanë. Do ta mbrojë Kushtetutën, interesin e Republikës dhe dinjitetin e qytetarëve tanë. Besoj në Kosovën, njerëzit e saj dhe besoj së bashku mund të ndërtojmë të ardhme më të mirë për brezat që vijnë. Zoti e bekoftë Republikën e Kosovës”, tha ajo.
