Një qytetar i është drejtuar redaksisë së JOQ Albania për të denoncuar një kabllo elektrike të prerë dhe të ekspozuar pranë rrethrrotullimit të Zogut të Zi, në zonën e Ringut në Tiranë.
Në pamjet e dërguara shihet një kabllo e trashë elektrike që del nga një tub mbrojtës dhe shtrihet direkt mbi asfalt, pranë trotuarit dhe automjeteve të parkuara.
Sipas denoncuesit, bëhet fjalë për një kabllo trefazore, ndërsa pjesa e prerë është e pambrojtur dhe e ekspozuar.
Pamjet tregojnë se kablloja ndodhet në një zonë të frekuentuar, ku kalojnë këmbësorë dhe qëndrojnë automjete të parkuara.
Qytetari kërkon ndërhyrjen e institucioneve dhe strukturave përgjegjëse për verifikimin e situatës, sigurimin e zonës dhe marrjen e masave të nevojshme.
JOQ Albania publikon pamjet e dërguara nga qytetari dhe mbetet e hapur për reagimin e institucioneve përgjegjëse.
