Një ngjarje e rëndë ka tronditur mëngjesin e së hënës fshatin Jelloc të Klinës, ku një 23-vjeçar është gjetur pa shenja jete.
Mësohet se rasti është denoncuar rreth orës 06:20, ndërsa në vendngjarje kanë dalë menjëherë ekipet policore dhe emergjenca mjekësore.
Viktima është identifikuar si Floralb Zeka, 23 vjeç, i cili është gjetur nga një familjar i afërt.
Dyshimet e para janë se bëhet fjalë për vetëlëndim me pasojë vdekjen, ndërsa ekipet mjekësore kanë konstatuar se i riu nuk kishte shenja jete.
Në vendin e ngjarjes kanë dalë edhe hetuesit policorë dhe njësitë e forenzikës, të cilat kanë kryer ekzaminimet e nevojshme.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për ekzaminim, ndërsa rasti është iniciuar si “Hetim i vdekjes”.
Humbja e 23-vjeçarit ka shkaktuar dhimbje te familjarët dhe të gjithë ata që e njihnin të riun.
