Çmimet e derivateve në Kosovë vijojnë të mbeten në nivele të larta, ndërsa qytetarët po paguajnë gjithnjë e më shtrenjtë për të mbushur rezervuarët e automjeteve.
Sipas ekspertit të sektorit të naftës, Fadil Berjani, aktualisht një litër dizel po shitet rreth 1.95 euro, ndërsa benzina rreth 1.65 euro për litër.
Berjani thotë se për momentin është e vështirë të parashikohet se çfarë do të ndodhë me çmimet në ditët në vijim, pasi tregjet ndërkombëtare dhe bursat e naftës po përballen me lëvizje të forta.
Ai thekson se edhe situata e tensionuar në Iran po reflektohet drejtpërdrejt në çmimet e derivateve.
‘’Çmimet e naftës dhe benzinës sillen përafërsisht, Dizelit 1.95 €, Benzina 1.65 €. S’mundemi me paragjyku se çfarë çmime do ti kemi ne ditët ne vijim sepse po ka lëvizje te mëdha ne tregjet ndërkombëtare dhe ne berz .Dhe situata e tensionuar në Iran po reflekton në këto çmime’’, deklaron Berjani.
Me dizelin që ka arritur në 1.95 euro për litër, çmimi është tashmë shumë pranë kufirit psikologjik prej 2 eurosh, ndërsa mbetet për t’u parë nëse qytetarët do të përballen me një tjetër rritje në ditët e ardhshme.
