Kompania për Distribuimin e Energjisë Elektrike në Kosovë (KEDS) ka njoftuar se të premten, më 25 shtator, do të kryhen punime në rrjetin elektrik, të cilat do të shkaktojnë ndërprerje të energjisë në disa zona.
Sipas njoftimit, ndërprerjet do të prekin disa komuna, përfshirë Prishtinën, Pejën, Prizrenin, Ferizajn, Mitrovicën dhe Gjilanin.
Në Prishtinë, pa energji do të mbesin disa zona për shkak të punimeve në mirëmbajtjen e rrjetit, përfshirë Drenasin, Korroticën e Epërme, Flamurasin, Llapnasellën, Fushën e Golfit dhe bizneset përgjatë magjistrales Prishtinë–Ferizaj.
Ndërprerje do të ketë edhe në zonën e Podujevës, ku disa fshatra si Dumnica, Llausha, Doberdoli, Kërpimehu, Pollata, Sllatina dhe të tjera do të mbesin pa rrymë nga ora 10:30 deri në 14:00.
Në Pejë, punimet do të prekin zonat Ramun, Gllaviqicë, Pavlan, Leshan, Kliqinë, Rosujë dhe Jabllanicë të Leshanit, ndërsa në Prizren do të ketë ndërprerje në Leshan, Mamushë, Nepërbisht, Tërnje, Landovicë dhe disa zona përreth.
Në Ferizaj, ndërprerjet do të jenë të shpërndara gjatë ditës, ndërsa në Mitrovicë dhe Gjilan do të kryhen punime që do të ndikojnë në disa lagje, rrugë dhe fshatra.
KEDS ka bërë të ditur se ndërprerjet janë të planifikuara për sigurinë e sistemit energjetik, mirëmbajtje preventive dhe punime investive në rrjet.
