Protesta e sotme para Parlamentit u shoqërua me tensione dhe përplasje mes protestuesve dhe forcave të Policisë së Shtetit, ndërsa disa qytetarë u shoqëruan para dhe gjatë zhvillimit të tubimit.
Në një moment të protestës, disa protestues kanë qëlluar me vezë drejt shefit të Komisariatit nr. 1, Ervin Hasrama.
Pas incidentit, Hasrama dëgjohet i revoltuar në pamje, teksa i drejtohet vartësve me fjalët: “Hajdeni këtu shoqërojeni këtë!”, duke iu referuar personit që e kishte goditur me vezë.
Pamjet sjellin një tjetër moment tensioni nga protesta e sotme, e cila shënoi ditën e 117-të të tubimeve të qytetarëve kundër qeverisë dhe klasës politike që ka qeverisur vendin gjatë 35 viteve të fundit.
