Një qytetar i identifikuar si Gjon Gjini është shoqëruar nga policia pranë Parlamentit, ndërsa ndodhej në zonën ku po zhvillohej protesta.
Në pamjet e siguruara nga redaksia shihet momenti kur një civil jep urdhërin për arrestimin e tij ndërsa efektivët me uniforma e ndalojnë me forcë Gjinin dhe e shoqërojnë drejt furgonit të policisë.
Sipas informacioneve paraprake, ai nuk ishte pjesë e protestës dhe ndodhej rastësisht në zonë.
Ende nuk ka një reagim zyrtar nga Policia e Shtetit lidhur me arsyet e shoqërimit të Gjon Gjinit apo rrethanat e përplasjes.
