Një fëmijë ka mbetur i lënduar pas një aksidenti trafiku të ndodhur mes një veture dhe një këmbësori në fshatin Vitomiricë të Pejës.
Aksidenti është raportuar rreth orës 12:00, ndërsa pas përplasjes fëmija ka pësuar lëndime trupore dhe është dërguar në Spitalin e Përgjithshëm të Pejës për trajtim mjekësor.
Policia ka dalë në vendin e ngjarjes dhe po vijon hetimet për të zbardhur rrethanat e plota të aksidentit.
