Një zjarr i përmasave të mëdha ka përfshirë këtë pasdite kodrat e Pojanit në Fier, duke djegur një sipërfaqe të konsiderueshme me bimësi.
Sipas informacioneve paraprake, era e fortë po favorizon përhapjen e flakëve, ndërsa shqetësimi kryesor lidhet me afërsinë e vatrës me Parkun Arkeologjik të Apolonisë.
Situata mbetet dinamike, ndërsa rreziku i përhapjes së zjarrit është i lartë për shkak të erës dhe kushteve të favorshme për përhapjen e flakëve.
Pritet ndërhyrja e forcave zjarrfikëse për izolimin dhe vënien nën kontroll të zjarrit, ndërsa mbetet për t’u parë nëse flakët do të afrohen më tej me zonën arkeologjike.
