Qytetarët do të mblidhen sërish sonte në sheshin “Skënderbeu” në Prishtinë, në protestën e shtatë radhazi kundër vendimit të Gjykatës Speciale në Hagë.
Tubimi është njoftuar të nisë në orën 21:00, ndërsa organizatori Çlirim Haziri ka bërë të ditur se protesta do të vijojë edhe sonte, pas gjashtë netëve të mëparshme.
“7 ditë rresht në shesh. 7 net pa u ndalur.
Një javë bashkë, me të njëjtin zë dhe të njëjtën kërkesë: Drejtësi!”, ka shkruar Haziri.
Sipas tij, pjesëmarrja në shesh ka ardhur duke u rritur nga nata në natë, ndërsa qytetarët janë ftuar të bashkohen sërish në orën 21:00.
“Një javë qëndresë. Një javë bashkë. Për UÇK-në! Nuk do të ndalemi deri në plotësimin e kërkesave tona”, thuhet në thirrjen e organizatorëve.
