Pas më shumë se dy dekadash ankth dhe pasigurie, familja Rrecaj ka marrë lajmin e shumëpritur. Është konfirmuar zyrtarisht identifikimi i Idriz Rrecajt, i zhdukur prej 27 vitesh.
Lajmin e ka bërë të ditur djali i tij,
Shpëtim Rrecaj, i cili ka treguar se identifikimi është kryer përmes analizave të ADN-së në laboratorin e Hagës, pas njoftimit nga institucionet e Kosovës. “Pyetjes ‘Ku është Idriz Rrecaj?’ i erdhi fundi. Pas 27 vitesh, më në fund kemi përgjigjen që e kemi pritur për kaq gjatë”, ka shkruar ai.
Shpëtim Rrecaj ka falënderuar institucionet dhe të gjithë ata që kanë kontribuar ndër vite në zbardhjen e fatit të personave të zhdukur.
“GJAKU NUK HUMB KURRË!”, ka përfunduar ai, ndërsa familja më në fund ka marrë një përgjigje pas një pritjeje të gjatë 27-vjeçare.
