Tre veprimtarë të njohur të çështjes kombëtare, Adem Beqiri, Idriz Rrecaj dhe Salih Meziu, raportohet se janë identifikuar në mesin e mbetjeve mortore të 23 personave të zhvarrosur së fundmi në rajonin e Mitrovicës.
Identifikimi vjen pas procedurave mjeko-ligjore të kryera mbi mbetjet e gjetura. Gërmimet në zonën e Zubin Potokut kishin zbuluar mbetje kockore që dyshohej se u përkisnin të paktën 23 personave, të lidhur me grupin e shqiptarëve të zhdukur në vitin 1999.
Pas dekadash pritjeje dhe pasigurie, identifikimet përbëjnë një tjetër hap drejt zbardhjes së fatit të të zhdukurve dhe kthimit të mbetjeve mortore te familjarët.
