Lumturie Patushi është viktima e ngjarjes së rëndë të ndodhur mesditën e sotme në Tiranë.
58-vjeçarja dyshohet se u godit me thikë në gjoks nga bashkëshorti i saj, 68-vjeçari Hysni Patushi.
Sipas policisë, ngjarja ka ndodhur rreth orës 10:30 në rrugën “Panorama”, pas një konflikti mes çiftit. Pas aktit, 68-vjeçari është larguar nga vendi i ngjarjes, ndërsa rreth dy orë më vonë u lokalizua dhe u arrestua nga efektivët e Policisë së Tiranës në zonën e Kamzës.
Dyshohet se momenti i krimit është përjetuar edhe nga nipi i mitur dhe dhëndri i çiftit, duke e bërë edhe më të rëndë situatën.
Deri në këto momente, detaje të tjera mbi shkaqet dhe dinamikën e ngjarjes mbeten të paqarta. Grupi hetimor dhe policia po vijojnë hetimet për të dokumentuar plotësisht ngjarjen dhe për të sqaruar rrethanat në të cilat ndodhi vrasja.
