Protestat kundër vendimit të Dhomave të Specializuara në Hagë për katër ish-krerët e UÇK-së do të vazhdojnë edhe sonte në Prishtinë.
Platforma qytetare “Liria ka Emër” ka njoftuar se qytetarët do të mblidhen sërish në sheshin “Skënderbeu”, duke nisur nga ora 21:00.
Protesta e sotme është e katërta natë radhazi në kryeqytet pas shpalljes së aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit.
Organizatorët kanë përcjellë një thirrje të shkurtër për qytetarët:
“Shihemi n’21:00 n’shesh!”
Edhe gjatë tri netëve të kaluara, qindra qytetarë janë mbledhur në Prishtinë në mbështetje të ish-krerëve të UÇK-së dhe për të kundërshtuar vendimin e Speciales.
