Një ngjarje e rëndë ka tronditur qytetin e Skraparit, ku një foshnjë vetëm 1 vjeç ka pësuar dëmtime të rënda në dorë pasi dyshohet se është aksidentuar me një grirëse mishi.
Pasi ka marrë ndihmën e parë mjekësore në spitalin lokal, për shkak të plagëve dhe nevojës urgjente për ndërhyrje të specializuar, vogëlushi u transportua me helikopter drejt Spitalit të Traumës në kryeqytet.
Sipas burimeve spitalore nga Tirana, foshnja është futur menjëherë në sallën e operacionit dhe ndodhet nën kujdesin e vazhdueshëm të mjekëve, ndërsa fatmirësisht gjendja e tij shëndetësore paraqitet e qëndrueshme.
