Një person është gjetur pa shenja jete mëngjesin e sotëm në lagjen “Bregu i Diellit” në Prishtinë.
Sipas zëdhënësit të Policisë për rajonin e Prishtinës, Enis Pllana, rreth orës 08:00 autoritetet kanë marrë informacion për një person pa shenja jete në rrugën “Enver Maloku”. Në vendngjarje ka dalë ekipi mjekësor, i cili ka konstatuar vdekjen e viktimës.
Policia, në koordinim me Prokurorin e Shtetit, ka nisur hetimet dhe po kryen veprimet e nevojshme hetimore e ekzaminimet për të sqaruar plotësisht rrethanat e vdekjes.
