Një banor i Bilishtit i është drejtuar redaksisë së JOQ Albania për të denoncuar numrin e madh të koshereve të bletëve të vendosura, sipas tij, pranë banesave.
Denoncuesi shprehet se situata po e vështirëson jetën e familjes, pasi nëna e tij është alergjike ndaj bletëve dhe, sipas tij, është dërguar disa herë në spital.
“E kemi jashtëzakonisht të vështirë të dalim. Nëna është alergjike. E kemi çuar në spital shumë herë. Kemi shkuar edhe në bashki, por nuk na japin zgjidhje.”
Në videon e dërguar në redaksi shihet një numër i madh koshere të vendosura në një hapësirë pranë banesave.
Banori kërkon ndërhyrjen e institucioneve për të verifikuar nëse vendosja e koshereve në këtë zonë është në përputhje me rregullat dhe nëse mund të gjendet një zgjidhje që garanton sigurinë e banorëve.
JOQ Albania publikon pamjet dhe denoncimin e qytetarit, ndërsa pret një reagim nga Bashkia Devoll dhe strukturat përgjegjëse për këtë situatë.
