Pas vendimit për dënimin e ish-krerëve të UÇK-së nga Dhomat e Specializuara në Hagë, Trupi Gjykues ka nisur procedurat për fazën e reparacioneve ndaj viktimave.
Kreu i trupit gjykues, Charles L. Smith, ka marrë vendim më 16 shtator, të publikuar sot, ku parashikohet nisja e procedurës për nxjerrjen e një urdhri për reparacione, në bazë të nenit 22(8) dhe rregullës 168.
Sipas vendimit, Mbrojtja ka afat deri më 22 shtator për të paraqitur kundërshtimet e saj, ndërsa Përfaqësuesi i Viktimave duhet të dorëzojë kërkesën konkrete për reparacione deri më 14 tetor 2026.
Pas kësaj, Zyra e Prokurorit të Specializuar dhe Mbrojtja do të kenë afat deri më 4 nëntor për të paraqitur përgjigjet e tyre.
Procedura për reparacionet do të vazhdojë nëse nuk paraqiten kundërshtime nga Mbrojtja.
