Një video e mbërritur në redaksinë e JOQ Albania tregon se, edhe pse kemi hyrë në vjeshtë, temperaturat e larta duket se nuk kanë ndërmend të tërhiqen.
Përballë vapës, një qytetar ka gjetur zgjidhjen e tij për t’u freskuar: është futur për të bërë një banjë në Liqenin Artificial.
Por ajo që ka tërhequr më shumë vëmendjen e qytetarëve është fakti se ai nuk është futur thjesht për t’u freskuar, por ka marrë me vete edhe sapunin, duke e kthyer Liqenin Artificial në një “dush” në natyrë.
Me sa duket, kur temperaturat nuk bien, kreativiteti shqiptar bën pjesën tjetër. E në ditët e nxehta, ky qytetar duket se e ka gjetur formulën e tij për t’u freskuar.
