E rëndë në Junik, humb jetën drejtuesi i katërçikletës në aksident
Një aksident me fatalitet ka tronditur sot fshatin Jasiq të Junikut, ku një person ka humbur jetën pasi u përfshi në një aksident me katërçikletë.
Viktima është identifikuar si Shkëlqim Alaj, nga Drenoci i Vokshit në Komunën e Deçanit.
Aksidenti ka ndodhur rreth orës 13:40, ndërsa si pasojë e lëndimeve të marra, Alaj ka ndërruar jetë në vendin e ngjarjes. Vdekja e tij është konstatuar nga ekipi mjekësor.
Në vendin e ngjarjes kanë dalë njësitet relevante të Policisë së Kosovës dhe prokurori i shtetit.
Me urdhër të prokurorit, trupi i pajetë është dërguar në Institutin e Mjekësisë Ligjore në Prishtinë për obduksion, ndërsa rasti po hetohet nga njësitet përkatëse policore.
