Një denoncim i mbërritur pranë JOQ Albania ngre shqetësimin për zhurmat e krijuara gjatë natës në zonën e ish-Gardës, pranë Liqenit Artificial në Tiranë. Sipas qytetares që ka dërguar videon, rreth orës 02:00 një grup personash, të cilët dyshohet se kishin konsumuar alkool, kanë shkaktuar të bërtitura dhe ulërima të vazhdueshme.
Në pamjet e dërguara nga qytetarja shihen edhe një numër i madh efektivësh policie, por sipas denoncueses, nuk duket ndonjë ndërhyrje për të ndaluar zhurmat apo për të qetësuar situatën. “Ishin të pirë dhe krijonin zhurmë, bërtisnin e ulërisnin”, shkruan denoncuesja, e cila kërkon që rasti të bëhet publik.
Deri tani nuk ka një reagim zyrtar nga Policia për situatën e pretenduar në zonën pranë Liqenit Artificial.
