Një ngjarje tragjike ka tronditur fshatin Ngucat të Malishevës, ku një person ka humbur jetën pas një aksidenti gjatë punës.
Sipas Policisë, viktima, një person mashkull i moshës madhore, dyshohet se ka rënë nga rimorkioja teksa ishte duke punuar.
Për shkak të lëndimeve të marra, ai nuk ka mundur të mbijetojë.
Rasti është raportuar rreth orës 17:20, pasi nga Qendra Kryesore e Mjekësisë Familjare në Malishevë është bërë e ditur se një person ishte dërguar pa shenja jete.
Në vendngjarje kanë dalë njësitë policore dhe ekipet përkatëse, ndërsa është njoftuar edhe prokurori i shtetit.
Hetimet për zbardhjen e plotë të rrethanave të kësaj ngjarjeje janë duke vazhduar.
