Pamje nga protesta e sotme jashtë Parlamentit tregojnë momentin kur efektivët e policisë tërheqin zvarrë dy qytetarë gjatë ndërhyrjes ndaj protestuesve.
Ngjarja ka ndodhur më herët, pas përfundimit të seancës plenare, teksa situata jashtë Kuvendit ishte tensionuar dhe forcat e policisë kishin ndërhyrë për lirimin e rrugës.
Në video shihen dy protestues teksa tërhiqen zvarrë nga efektivët, ndërsa në një moment ata ngrihen edhe në “ajër” nga forcat e Policisë.
Pamjet tregojnë momentin e ndërhyrjes së efektivëve ndaj dy qytetarëve, ndërsa protestues të tjerë ndodhen përreth.
Videoja sjell një tjetër moment të tensionuar nga protesta e ditës së 101-të, e cila gjatë ditës është shoqëruar me përplasje dhe shoqërime të protestuesve nga policia.
