Një zjarr ka përfshirë pasditen e sotme shkollën 9-vjeçare në fshatin Qinam të Tiranës.
Pamjet e mbërritura në redaksinë e JOQ Albania tregojnë godinën e shkollës të përfshirë nga flakët, ndërsa zjarrfikësit ndodhen në terren dhe po punojnë për shuarjen e zjarrit.
Ende nuk dihen shkaqet e rënies së zjarrit apo nëse ka persona të lënduar.
Sipas dëshmitarëve në vendngjarje, godina është djegur plotësisht, ndërsa përmasat e dëmeve pritet të përcaktohen pas shuarjes së flakëve.
Pritet që në vijim të ketë më shumë informacion mbi rrethanat e ngjarjes.
