Një sherr mes disa personave ka ndodhur mëngjesin e kësaj të marte në një beach bar në zonën e Lungomares. Shkak i konfliktit dyshohet të ketë qenë një grindje e çastit, e cila më pas ka degjeneruar në përplasje fizike mes palëve.
Nga përplasja raportohet se ka pasur vetëm lëndime të lehta te personat e përfshirë. Menjëherë pas ngjarjes, në vendngjarje ka mbërritur policia, e cila ka nisur mbledhjen e dëshmive dhe po vijon hetimet për të zbardhur rrethanat dhe shkaqet e konfliktit.
