Një aksident i rëndë me fatalitet ka ndodhur në Bosnjë e Hercegovinë, ku ka humbur jetën një i ri me prejardhje nga Rahoveci.
Sipas raportimeve të mediave boshnjake, viktima është 24-vjeçari Ali Dermala, i cili është aksidentuar me motoçikletë në afërsi të Bradinës, në rrugën M17 në drejtim të Sarajevës.
Dyshohet se i riu ka humbur kontrollin mbi motoçikletën dhe ka dalë nga rruga. Si pasojë e plagëve të rënda, ai nuk ka arritur të mbijetojë dhe është konstatuar i vdekur në vendin e ngjarjes.
Për humbjen tragjike ka njoftuar edhe familja e të ndjerit.
Ceremonia e varrimit të Ali Dermalës do të mbahet nesër, më 8 shtator, nga ora 17:00, në varrezat Ravne Bakije.
24-vjeçari ishte djali i imamit Muhamed Dermala, i cili jeton dhe punon në Sarajevë.
Ngjarja ka pikëlluar familjarë, miq dhe të njohur të të riut.
