Një zjarr i përmasave të mëdha ka përfshirë malin e Tërbunit në Pukë, duke djegur sipërfaqe të konsiderueshme pyjore.
Flakët vijojnë të përhapen në zona të ndryshme, të favorizuara nga era dhe terreni i vështirë malor, duke e bërë të vështirë ndërhyrjen për izolimin e vatrave.
Sipas të dhënave të mbërritura në redaksi, zjarri ka përfshirë edhe një banesë të braktisur, ndërsa forcat e angazhuara në terren po punojnë për të frenuar përhapjen e flakëve.
Pamjet e filmuara nga ajri gjatë natës tregojnë përmasat e zjarrit. Flakët kanë përfshirë një pjesë të madhe të pyjeve, ndërsa tymi dhe shkëndijat janë të dukshme në errësirë.
Situata vijon të mbetet e vështirë për shkak të kushteve të terrenit dhe erës, ndërsa ekipet në terren po përpiqen të izolojnë vatrat dhe të parandalojnë përhapjen e zjarrit drejt zonave të tjera.
JOQ Albania publikon pamjet nga mali i Tërbunit, ndërsa situata mbetet në zhvillim.
