Jonaid Myzyri çon 3.9 milionë euro te njerëzit e Tom Doshit

Operatori i Blerjeve të Përqendruara (OBP), nën drejtimin e Jonaid Myzyrit, po konsolidon një skemë të procedurave pa konkurrencë në prokurimet e shëndetësisë publike. Së fundmi, ky institucion i ka dhënë dy tendera me vlerë totale 359.9 milionë lekë (rreth 3.9 milionë euro) dy kompanive të lidhura me kryetarin e Partisë Social Demokrate, Tom Doshi.

Marrëveshjet kuadër 24-mujore për furnizimin e spitaleve me medikamente bazë janë zhvilluar në mungesë të plotë të garës:

• Loti 1 (Serum fiziologjik – 178.1 milionë lekë): Në garë mori pjesë vetëm bashkimi i operatorëve “REJSI FARMA” dhe “ALDOSCH – FARMA”. Oferta e tyre kapi vlerën e 99.5% të fondit limit.

Lidhjet e kompanive me Tom Doshin

Pas operatorëve fitues fshihen struktura dhe emra të lidhur me ish-deputetin Doshi:

• “Aldosch – Farma”: Në letrat e Qendrës Kombëtare të Biznesit figuron në pronësi të Aqif Hoxhës. Të dhënat tregojnë se Hoxha ka qenë punonjës në bizneset e Doshit dhe mban postin e Kryetarit të Këshillit Mbikëqyrës te kompania “Antibiotik”, e zotëruar drejtpërdrejt nga politikani.

Mënyra e zhvillimit të këtyre procedurave me çmime pranë tavanit maksimal dhe pa rivalë në garë ngre dyshime për paracaktim të fituesve, duke kërkuar ndërhyrjen e organeve të drejtësisë për hetimin e përdorimit të fondeve publike.