Një anije është përfshirë nga flakët pasditen e sotme në Portin e Shëngjinit.
Menjëherë pas njoftimit, drejt portit janë nisur forcat zjarrfikëse, ndërsa edhe punonjësit e portit janë angazhuar për neutralizimin e zjarrit.
Ndërkohë, burime pranë JOQ Albania bëjnë me dije se dyshohet që zjarri të ketë përfshirë një automjet që ndodhej në bordin e anijes. Ky informacion, megjithatë, nuk është konfirmuar zyrtarisht dhe mbetet në kuadër të dyshimeve paraprake.
Ende nuk dihen shkaqet e rënies së zjarrit, ndërsa nuk ka informacion zyrtar nëse ka persona të lënduar nga ngjarja.
Pritet që ndërhyrja e zjarrfikësve dhe verifikimet në terren të hedhin më shumë dritë mbi rrethanat e incidentit.
