Një aksident i rëndë rrugor është regjistruar mëngjesin e sotëm pranë mbikalimit të Shkozetit.
Ngjarja ka ndodhur rreth orës 08:30, ku një automjet është përplasur me një biçikletë, duke lënë të plagosur rëndë çiklistin.
Si pasojë e përplasjes së fortë, çiklisti ka marrë dëmtime serioze dhe është transportuar me urgjencë drejt Spitalit të Traumës në Tiranë për të marrë ndihmë të specializuar mjekësore.
Ende nuk dihen shkaqet dhe rrethanat e plota të aksidentit, ndërsa pritet që autoritetet të hedhin më shumë dritë mbi dinamikën e ngjarjes.
