Pas pushimeve verore, mijëra nxënës në të gjithë Kosovën sot i janë rikthyer bankave shkollore, duke shënuar fillimin e vitit të ri mësimor 2026/2027.
Nga klasat e para e deri te arsimi i mesëm, nxënësit kanë nisur një kapitull të ri me orët e para mësimore, ndërsa shkollat kanë hapur dyert për një tjetër vit akademik.
Ky vit sjell sërish sfida për institucionet arsimore dhe mësimdhënësit, të cilët synojnë përmirësimin e cilësisë së arsimit, kushte më të mira në shkolla dhe një proces sa më të suksesshëm për nxënësit.
Me urime për një vit të mbarë shkollor, shumë prindër kanë përcjellë sot fëmijët e tyre drejt klasave, veçanërisht nxënësit e klasave të para që për herë të parë ulen në bankat shkollore.
