Një qytetar nga Prishtina ka raportuar në Polici një rast që po hetohet nga organet kompetente.
Sipas raportit policor, qytetari kishte marrë hua 18 mijë e 50 euro nga një person, me marrëveshjen që shumën ta kthente brenda një muaji, së bashku me 3 mijë euro shtesë. Si garanci për huanë, ai kishte lënë veturën e tij.
Ankuesi ka deklaruar se personi në fjalë nuk ishte lajmëruar në kohën e përcaktuar, ndërsa më vonë dyshohet se i kishte kërkuar gjithsej 30 mijë euro për shlyerjen e borxhit dhe kthimin e veturës.
Rasti ka ndodhur më 13 gusht në rrugën “C” në Prishtinë. Policia po vazhdon hetimet për sqarimin e plotë të rrethanave.
