Donjeta Sadiku ka shkruar një tjetër faqe të artë për sportin kosovar, duke triumfuar në Lojërat Mesdhetare “Taranto 2026”.
Në finalen ndaj Kristina Kuluhovës, boksierja kosovare e nisi përballjen me qetësi dhe kontroll, duke realizuar goditje të sakta dhe krijuar epërsi që në raundin e parë.
Meçi u ndërpre pasi kundërshtarja pësoi lëndim në arkadë, ndërsa Sadiku u shpall fituese.
Me këtë sukses, ajo ia siguroi Kosovës medaljen e parë të artë në këto Lojëra Mesdhetare.
Megjithatë, përfaqësuesja e Serbisë nuk u paraqit në podium gjatë ceremonisë së ndarjes së medaljeve.
Donjeta e pranoi me krenari medaljen e artë, ndërsa himni i Kosovës jehoi në Itali mes duartrokitjeve të përkrahësve të saj.
