Një përmbytje e befasishme ka goditur rëndë Nepalin, duke shkaktuar dëme të mëdha dhe duke lënë pas një situatë dramatike.
Ujërat kanë marrë me vete sende të shumta shtëpiake, materiale ndërtimi dhe pjesë automjetesh, duke i shpërndarë përgjatë brigjeve të lumit. Ndërsa banorët përpiqen të gjejnë të afërmit dhe të shpëtojnë çfarë ka mbetur nga pasuria e tyre, ka edhe persona që shfrytëzojnë kaosin për të marrë sende të lëna pas nga përmbytja.
Pamje të publikuara në rrjet tregojnë banorë duke kërkuar mes baltës dhe rrënojave për gjithçka që mund të shpëtohet. Në disa raste, njerëzit shihen duke nxjerrë nga uji bombola gazi, të cilat përpiqen t’i marrin me vete.
Pamjet pasqyrojnë qartë situatën e rëndë në zonat e prekura, ku pas katastrofës natyrore ka mbetur një skenë e mbushur me baltë, rrënoja dhe pasiguri.
