Një aksident i rëndë trafiku ka ndodhur sonte në autostradën Suharekë–Prizren, ku janë përplasur një kamion dhe një veturë me targa të huaja.
Policia është njoftuar për rastin rreth orës 20:27, në kilometrin e 29-të nga Vërmica. Në vendngjarje kanë dalë njësitë policore dhe ekipet e emergjencës.
Si pasojë e aksidentit, një person është konstatuar pa shenja jete, ndërsa dy persona të tjerë kanë mbetur të lënduar dhe janë dërguar për trajtim mjekësor.
Ende nuk dihen rrethanat që çuan në përplasjen fatale. Policia pritet të japë më shumë hollësi rreth rastit.
